Hazrat musa alaihassalam story in hindi urdu part 22

Hazrat musa alaihassalam story in hindi urdu part 22
Hazrat musa alaihassalam story in hindi urdu part 22

Hazrat musa alaihassalam story hindi>> Gaay Zabah karne me Hikmat :-*

Ek Wajah Ye thi ki Neik Aadmi ke Yatim Aur Us Shaksh ki Bewa ko Kaseer Maal Ataa karna tha Is liye Gaay Zabah karne ka Hukm Diya Aur Bani Israaeel ke Zehno me Ye Baat Daal di ki wo Sawaal karte rahe Ki Is Tarah wo Gaay Kahi Aur Na Mil Saki,

Dusri Wajah ye thi ki Gaay ki Qurbaani ka Tariqa Pehle se Chala Aa Raha tha Aur wo Loug Gaay ki Qurbaani ko Azeem Samajhte the Is liye Unhe Gaay Zabah karne ka Hukm Diya Taaki Unke Zehan Ise Qabul karle ki Gaay ki Qurbaani me Ye Asar hoga Maqtul(Murde) ko Zinda karne ka ye Ajeeb Andaaz Bayaan kar liya Taaki Hazrat Musaa Alayhis Salaam par wo Jaadugari ka Ilzaam Aaid Na kar Sake,

Tisri Wajah ye thi ki Maqtul(Murde) ko Us Azeeb Andaaz se Zinda karke Bata Diya ki ALLAH TA’ALA Jis Tarah Chaahe Us Tarah Murdo ko Zinda Farma leita he,

Chothi Wajah ye thi ki Hazrat Musaa Alayhis Salaam ki Bartari(/Shaan) Unpar Waazeh ho Jaaye Aur Aap Alayhis Salaam ka Mo’ajiza Zaahir ho jaaye,

Panchwi Wajah ye thi ki Unke Aaaba wa Ajdaad(Baap-Daada) ne Deikh kar Bachhde ki Puja Shuru karli thi Unko Gaay ke Zabah karne ka Hukm de kar Tanbih kardi ki Gaay Khuda nahi ho Sakti jo Khud Zabah ho jaye wo Khuda keise…??.
(Tafseere Qurtubi, Jild-3, Safa-271)
(Tazkiratul Ambiya Alayhis Salaam, Safa-449)

>> Qaarun :-*

Quraan Shareef me he ki
“Beshak Qaarun Musaa(Alayhis Salaam) ki Qoum se tha Fir Usne Unpar Zyadati ki Aur Humne Usko Itne Khazaane diye Jinki Kunjiya Ek Zoraawar Jama’at par Bhari thi”
(Surah Al Qasas, Aayat-76)

Qaarun Hazrat Musaa Alayhis Salaam ka Qaribi Rishtedaar tha, Zyada Mashoor ye he ki Aapka Chacha-Zaat Bhai tha Aur Baaz ne Use Aapka Khala-Zaad kaha he, Usne Hazrat Musaa Alayhis Salaam Aur Hazrat Haarun Alayhis Salaam ki Nabuwwat par Hasad karte hue Munaafiqat Ikhteyaar Karli thi Jeise Aapki Qoum me Saamri Munaafiq tha,

Qaarun Khubsurat hone ki Wajah se Munawwar kehlata tha Aur Tauraat ka bhi Bahot Bada Qaari tha Lekin NABI ka Gustaakh hone ki Wajah se Zaleel huwa, wo Bahot Bada Maal-Daar tha, 10 Aadmiyo ki Jama’at Uske Maal ko Shumaar nahi kar Sakte the Ya ye Loug Uske Khazaano ko Utha nahi Sakte the,

Qaarun Apni Maal-Daari ki Wajah se Apni Qoum ke Gurba’a(Garibo) ko Ghatiya Samajhta tha, Unke Imaan ka Kuchh Paas Na karta, Apni Zyada Maal ki Wajah se Uske Dil me Unki Koi Azmat Na thi, Misr me Rehne ke Douraan bhi Firoun ka Aejant tha Is liye waha bhi Bani Israaeel par Zulm dhata rehta tha Aur Apne Takabburaan Andaaz se bhi Unpar Gusse ka Izhaar karta rehta tha.
(Tafseere Kabeer, Jild-25, Safa-13, 14)
(Tazkiratul Ambiya Alayhis Salaam, Safa-450, 451)

*>> Qaarun ko Nashihat :-*

Quraane Majeed me he ki
“Jab Usse Uski Qoum ne kaha Itra nahi Beshak ALLAH Itraane Waalo ko Dost nahi rakhta, Aur Jo Maal Tujhe ALLAH ne Diya he Usse Aakhirat ka Ghar Talab kar Aur Duniya me Apna Hissa Na Bhul Aur Ahesaan kar Jeisa ALLAH ne Tujhpar Ahesaan kiya Aur Zamin me Fasaad Na Chaah Beshak ALLAH Fasaadiyo ko Dost nahi rakhta, Bola Yah to Mujhe Ek Ilm se Mila he Jo Meire Paas he Aur Kya Use Yah nahi Ma’alum ki ALLAH ne Is se Pahle wo Sangate(Qoume) Halaak Farma di Jinki Quwwate Usse Shakht thi Aur Jama Usse Zyada Aur Mujrimo se Unke Gunaaho ki Puchh nahi”
(Surah Al Qasas, Aayat-76, 77, 78)

Uski Qoum ne Use kaha Tum Apne Zyada Maal ki Wajah se Itraao nahi, ALLAH TA’ALA Itraane Waalo ko Pasand nahi karta, ALLAH TA’ALA ki Ne’amato ka Shukr Adaa karo ALLAH TA’ALA ki Raah me Maal Kharch karo to ALLAH TA’ALA Apne Wa’ade ke Mutaabik Tumhe Mazeed(Aur) Ne’amate Ataa Karega Kyunki Uska Wada he
“Agar Tum Shukr Adaa karoge to Mei Tumhe Mazeed Ne’amate Dunga”

Is liye Tumhe Chaahiye ki Tum Duniya me Aakhirat ke liye Amal karke Azaab se Na’jaat Haasil Karo Is liye ki Duniya me Insaan ka Haqiqi Hissa ye he ki Aakhirat ke liye Amal Kare Sadqa de kar Silarehmi karke Aur Aamal E Kheir ke Saath Aakhirat ka Sawaab Aur Kaamyabi Haasil Kare Aur Iski Tafseer me Ye bhi kaha gaya he ki Paani, Sehat, Quwwat wa Jawaani Aur Doulat ko Na Bhul Balki Unse Ay Insaan Aakhirat ko Talab kar,

Qaarun ne Kisi ki Nasihat ko Qabul Na kiya Balki Kehne laga ye Maal to Mujhe Kisi ne nahi diya, Meine to Apne Ilm se Ise Haasil kiya, yaha Ilm Se Muraad Tauraat ka Ilm ya Kimiya Jo Usne Hazrat Musaa Alayhis Salaam se Haasil kiya tha Aur Uske Zariye Qalai ko Chandi Aur Taanbe ko Sona Bana leita tha ya Ilm E Tijaarat ya Ilme Zara’at ya Aur Peisho ka Ilm he.
(Tafseere Khazaainul Irfaan)
(Tazkiratul Ambiya Alayhis Salaam, Safa-450, 451)

>> Qaarun ko Deikh kar Duniya-daaro ka Jee Lalchana :-*

Quraane Azeem me he ki
“To Apni Qoum par Nikla Apni Sajaawat me Bole wo Jo Duniya ki Zindagi Chaahte he Kisi Tarah Hum Ko Bhi Aysa Milta Jeisa Qaarun ko Mila Beshak Uska Bada Nasib he, Aur Bole wo Jinhe Ilm Diya gaya Kharaabi ho Tumhaari ALLAH ka Sawaab Behtar he Uske liye Jo Imaan Laaye Aur Achhe Kaam Kare Aur Yah Unhi ko Milta he Jo Sabr Waale he”
(Surah Al Qasas, Aayat-79, 80)

Jab wo Zarq-Barq Libaas Zeibtan(Pahen kar) kiye hue Shaandaar Sawaari par Sawaar hokar Shaahana Andaaz par Nikalta to Use Deikh kar Duniya-Daar Lougo ka Jee Lalchata, Dilme Hasrat Peida hoti, wo Kehte Kitna Khush Nasib he ye Qaarun Kaash Hame bhi Us Jeisi Maal Wa Doulat Aur Ameerana Thaath-Paath Mayassar hoti, Lekin Jo Loug Saahibe Ilm the Duniya ke Maal ki Haqiqat se Baakhabar the ki ye Na-Pasandida Chiz he, Unke Dil me Kisi Qism ka Koi Khyaal Peida Na hota ki Hame bhi Aysa Maal mile Balki Unhone Dusro ko Bhi Samjhaya ki Tumhaari Barbaadi ho, Tum Duniya ka Maal Talab kar rahe ho Tumhe Chaahiye ki ALLAH TA’ALA se Sawaab Haasil Karne ke liye Apne Imaan par Saabit raho Aur Achhe Aamaal karte raho.
(Tazkiratul Ambiya Alayhis Salaam, Safa-452)

>> Qaarun ka Plan :

Hazrat Musaa Alayhis Salaam ne Farmaya Mujhe ALLAH TA’ALA ne Hukm diye he ki Mei Tumhaare Maal se Zakaat Wasool karu, Qaarun ne Inkaar kar Diya Usne Dusro ko Bhi Bhatka ne ki Koshis ki Lougo ko Jama’a karke Kehne laga Hazrat Musaa Alayhis Salaam Tumhaare Paas Namaaz Adaa karne ka Hukm Laaye Aur Bhi Kayi Ahekaam Laaye ki Tum Un par Amal karo to Tumne Un par Amal kiya, Ab wo Ham se Hamaara Maal bhi Chhinna Chaahte he, ye Ham Keise Bardaasht Kare…??
Sabne kaha Haa ye to Ham Kabhi bhi Bardaasht Nahi kar Sakte Lekin Isme Tumhaari Kya Raay he…? Kya kiya jaaye…??
Usne Kaha Faahsha Aurato me se Ek Aurat ki Taraf Peigaam Bheij kar Use Bulaate he Aur Use Inaam ka Laalach de kar Hazrat Musaa Alayhis Salaam par Tohmat Lagaate he Taaki Sab Loug Use Chhod jaaye, Usne Apne Mansab ke Mutaabiq Ek Faahsha Aurat ko Bulaya, Use 1,000 Dinar ya Sone se Bhara huwa Ek Tasht deine ka Wa’ada kiya ki Tum Sab Lougo ke Saamne ye Keh deina ki Hazrat Musaa Alayhis Salaam ne Meire Saath Buraai ka Irtekaab kiya he, Usne kaha Thik be Mei keh dungi.
(Tazkiratul Ambiya Alayhis Salaam, Safa-452)

>> Qaarun ka Zameen me Dhansna :-*
(Post Thoda Bada he, Itmenaan se Padhe..)

Quraane Hakeem me ALLAH RABBUL IZZAT Irshad Farmaata he
“To Humne Use Aur Uske Ghar ko Zamin me Dhansa Diya to Uske Paas Koi Jama’at Na thi ki ALLAH se Bachaane me Uski Madad karti Aur Na Wah Badla le Saka, Aur Kal Jisne Uske Martabe ki Aarzu ki thi Subah Kehne lage Ajab Baat he ALLAH Rizq Wasee’a(Feilata) karta he Apne Bando me Jiske Liye Chaahe Aur Tangi Farmata he Agar ALLAH Humpar Ahesaan Na Farmata to Hume bhi Dhansa deita, Ay Ajab Kaafiro ka Bhala Nahi”
(Surah Al Qasas, Aayat-81, 82)

Hazrat Musaa Alayhis Salaam ne Eid ke Din Khutba Diya Aur Ahekaam E ILAAHIYA Bayaan kiye Us Douraan Qaarun ne bhi Apne Mansab ko Amal me Laane ki Nakam Koshis ki ke Qaarun ne Musaa Alayhis Salaam ko kaha ki Tum Bani Israaeel ko Jama karke ALLAH TA’ALA ke Ahekaam Pahonchao ki Mujhe RABB TA’ALA ne ye Hukm Diya he, Aap Alayhis Salaam ne Farmaya Thik he, Aap Alayhis Salaam ne Sab Lougo ko Jama kiya, Mumkin he Qaarun ke kehne par Eid ke Din hi Sab ko Jama karke Aap Alayhis Salaam ne Khutba Diya ho,






 

LEAVE A REPLY

Please enter your comment!
Please enter your name here