Hazrat Musaa Alayhis Salaam story in hindi 18 rabb k didar ki tamnna karna

Hazrat Musaa Alayhis Salaam story in hindi 18 rabb k didar ki tamnna karna
Hazrat Musaa Alayhis Salaam story in hindi 18 rabb k didar ki tamnna karna

Hazrat Musa Alayhis Salaam ne Jaate hue Apne Bade Bhai Haarun Alayhis Salaam ko Apna Naayab Banaya Jo Khud bhi Mustaqil Nabi the, Hazrat Haarun Alayhis Salaam Faqat Nabi the Aur Musaa Alayhis Salaam Rasool bhi the Is liye Aap Alayhis Salaam ne Unhe Apne Mansabe Risaalat ka Naayab Aur Khalifa Banaya wo bhi Faqat Toor se Waapasi tak,
Dusri Wajah ye he ki Aap Alayhis Salaam ka Irshaad Ek Muhaawra ke Mutaabik he Ya’ani Jis Tarah 2 Shakhsho ke Zimme Koi Kaam Lagaya jaye to Un me se 1ne Agar Kahi Jana ho to Dusre se kehta he
“Tum Meiri Jagah bhi Kaam karna Ya’ani Bahot Zyada Koshish se ye Kaam karna Ayse Pata Chale ki Tum 2 Aadmiyo ki Jagah Kaam kar rahe ho”.
(Roohul Ma’ani, Jild-5, Hissa-2, Safa-43)
(Tazkiratul Ambiya Alayhis Salaam, Safa-430)

*>> RABB TA’ALA ke Deedaar ki Tamanna :-*

Quraane Majeed me RABB TA’ALA Irshaad Farmata he
“Aur Jab Musaa Hamaare Wa’ade par Haazir huwa Aur Usse Uske RABB ne Kalaam Farmaya Arz ki Ay RABB Meire Mujhe Apna Deedaar Dikha ki Mei Tujhe deikhu Farmaya Tu Mujhe Hargiz Na Deikh Sakega Haa Is Pahaad ki Taraf Deikh ye Agar Apni Jagah Par Thehra Raha to Anqarib Tu Mujhe Deikh Lega Fir Jab Uske RABB ne Pahaad par Apna Noor Chamkaya Use Paash Paash(Tukde-Tukde) kar Diya Aur Musaa Gira Behosh”
(Surah Al A’raaf, Aayat-143)

ALLAH TA’ALA ne Hazrat Musaa Alayhis Salaam se Kalaam Farmaya Albatta Us Kalaam ki Haqiqat ko Bayaan karna Mumkim Nahi, Jab Hazrat Musaa Alayhis Salaam Kalaam Soonne ke liye Haazir hue to Aap Alayhis Salaam ne Tahaarat ki Aur Paakiza Libaas Pahena Aur Roza Rakh kar Toor me Haazir hue ALLAH TA’ALA ne Ek Baadal Naazil Farmaaya Jisne Pahaad ko Har Taraf se Baqadr Char Farsang Dhak liya, Shayaateen Aur Zamin ke Jaanwar Yaha Tak ki Saath Rehne waale Farishte Tak Wahaa se Alag kar diye gaye Aur Aap ke Liye Aaasmaan Khoul diya gaya to Aap Alayhis Salaam ne Farishto ko Deikha Aur Aap ne Arshe Mo’alla ko deikha, Loh E Mahfuz ko Deikha, ALLAH TA’ALA ne Aap se Kalaam Farmaya, Aap Alayhis Salaam ne Uski Baargaah me Apni Baate Peish ki, Hazrat Jibrail Alayhis Salaam Agarche Saath the Lekin wo bhi RABB TA’ALA ki Qudrat se Hazrat Musaa Alayhis Salaam Aur RABB TA’ALA ke Darmiyaan hone Waale Kalaam ko Na Soon Sake,

Hazrat Musaa Alayhis Salaam ne RABB TA’ALA ke Kalaam ko Soon kar Aysi Lazzat Mahsus ki ke Aapke Dil me RABB TA’ALA ko Deikhne ki Khwaahish Peida ho gayi Aur Arz ki Ay ALLAH TA’ALA Mei Tujhe Deikhna Chaahta hu Tu Mujhe Apne Deedaar se Musharraf Farma,
RABB TA’ALA ne Farmaya “Tum Mujhe nahi Deikh Sakte”,
ye nahi Farmaya ki “Mujhe nahi Deikha ja Sakta” yahi Wajah he ki HUZOOR NABI E KAREEM Sallallaho Alayhe Wasallam Ne Me’raaz ki Raat RABB TA’ALA Ka Deedaar kiya Aur Ye Deikhne ka Inkaar Duniya ke Muta’liq he, Jannat me Momin RABB TA’ALA Ka Deedaar Karega,

Hazrat Musaa Alayhis Salaam ka Sawaal karna hi Is Chiz par Dalaalat karta he ki Aap ne Mumkin ka Sawaal kiya Agar RABB TA’ALA ko Deikhna Mahaal hota to Aap Sawaal Na karte, RABB TA’ALA ne Farmaya ki Mei Apni Tajalliyaat ka Zahur Pahaad par karta hu Tum Pahaad ko Deikho Agar Tumne Pahaad ko Deikh liya to Samajhna ki Mujhe bhi Deikh loge Lekin RABB TA’ALA ki Tajalliyaat ki Taab Pahaad Na la Saka ki wo Qaayam Rahta Balki wo bhi Paas Paas( Tukde-Tukde) ho gaya Aur Musaa Alayhis Salaam bhi Hosh Bar-qaraar Na Rakh Sake.
(Tazkiratul Ambiya Alayhis Salaam, Safa-431)

*>>  Waapasi par Duaa karna :-

Quraane Aziz me he ki
“Aur Jab Musaa Apni Qoum ki Taraf Palta Gusse me Bhara Jhunjhlaya huwa Kaha Tumne Kya Buri Meiri Jaanashini ki Meire Baad Kya Tumne Apne RABB ke Hukm se Jaldi ki Aur Takhtiya Daaldi Aur Apne Bhai ke Sarke Baal Pakad kar Apni Taraf Khinch ne laga Kaha Ay Meire Maa Jaaye Qoum ne Mujhe Kamzor Samjha Aur Qarib tha ki Muje Maar Daale Tu Mujhpar Dushmano ko Na Hansa Aur Mujhe Zaalimo me Na Mila, Arz ki Ay Meire RABB Mujhe Aur Meire Bhai ko Bakhsh de Aur Hame Apni Rahmat ke Andar le le Tu Sab Mehar Waalo se Badhkar Mehar Wala”
(Surah Al A’raaf, Aayat-150, 151)

Hazrat Musaa Alayhis Salaam Qoum ki Gumraahi ko Deikh kar Hamiyat Aur Sirf ALLAH TA’ALA ki Raza ki Khaatir Itne Shadeed Gusse me Aaye ki Aap Alayhis Salaam se Be-Ikhteyaar Tauraat ki Takhatiya gir gayi Aur Isi Be-Ikhteyaari ki Surat me Apne Bade Bhai ke Sar Aur Daadhi ko Pakadne lage yahi Wajah he ki Aapko Iska Koi Mavaakhazah nahi, Balki Madah ke Zaman me Aaya, Aakhir Bhai ke Uzr Peish karne par Unki Diljoi ke liye RABB TA’ALA ki Baargaah me Duaa ki
Ay ALLAH TA’ALA Mujh se Gusse ki Haalat me Koi Kotaahi Hui ho ya Meire Bhai se Qoum se Aajiz Aane ki Wajah se Koi Kotaahi ho to Muaaf Farma de.
(Roohul Ma’ani, Jild-5, Hissa-2, Safa-69)
(Tazkiratul Ambiya Alayhis Salaam, Safa-434)






LEAVE A REPLY

Please enter your comment!
Please enter your name here